واضح رہے کہ طلاق ماضی یا حال پر دلالت کر نے والے الفاظ کے ساتھ واقع ہو تی ہے ۔جن الفاظ میں صرف مستقبل میں طلاق دینے کے عزم کا اظہار ہو تو ان سے طلاق واقع نہیں ہو تی۔

لہذا صورت مسؤلہ کے مطابق اگر شوہر نے غصے میں آ کر بیوی سے یہ کہاہو کہ "اب  میں تم کو نہیں رکھوں گا"،تو چونکہ یہ الفاظ مستقبل کے لیے استعمال ہو تے ہے،لہذا اس سے بیوی پر کوئی طلاق واقع نہ ہو گی، چنانچہ بیوی بدستور اس کے نکاح میں برقرار رہے گی۔

صيغة المضارع لا يقع بها الطلاق إلا إذا غلب في الحال. (الفتاوی تنقيح الحامدية، كتاب الطلاق،ج: 1، ص: 38 )

في المحيط لو قال أطلق لا يكون طلاقا إلا إذا غلب استعماله للحال فيكون طلاقا. ( الفتاوی الهندية ،كتاب الطلاق،الباب الثاني في إيقاع الطلاق بالالفاظ الفارسية ج:1، ص:452)