واضح رہے کہ  عقد نکاح میں عاقدین  کے ایجاب وقبول کے لئے مجلس کا ایک ہونا شرط ہے،لہذا مجلس عقد میں عاقدین یا ان کے وکیل کا ہونا ضروری ہےورنہ نکاح منعقد نہ ہوگا۔

آن لائن نکاح کرتے وقت ایجاب و قبول کرنے والے ایک  مجلس میں موجود نہیں ہوتے  اس لئے آن لائن نکاح چاہے "ZOOM "  ایپ کے ذریعے سے ہو یا فون کے ذریعے سے ہو  جائز نہیں ،تا ہم اگرلڑکا یا لڑ کی میں سے ایک  کسی شخص کو اپنا وکیل بنادے  اور پھر وہ وکیل اس کی طرف سے مجلس میں دو  گواہوں  کی موجودگی میں ایجاب و قبول کرلے تو اس صورت میں نکاح منعقد ہو جائیگا۔

ومن ‌شرائط ‌الإيجاب والقبول: اتحاد المجلس (قوله: اتحاد المجلس) قال في البحر: فلو اختلف المجلس لم ينعقد،(رد المحتار علی الدر المختار،کتاب النکاح،مطلب التزویج بإرسال ا لكتابة،ج:3، ص :14)

وشرط ‌سماع كل من العاقدين لفظ الآخر) ليتحقق رضاهما(و) شرط (حضور) شاهدين(حرين) أو حر وحرتين (مكلفين سامعين قولهما معا، (رد المحتار علی الدر المختار، كتاب النكاح، ج :3، ص :21)