واضح رہے کہ بیوی پر شوہرکی عزت و تعظیم کرنا ایک لازمی اور ضروری امر ہے جس کی وجہ سے زندگی خوبصورت اور اچھی گزرتی ہےلیکن اس  تعظیم میں  افراط سے کام  لے کرشوہر کو باپ  کہنا یا باپ کا درجہ دینا درست نہیں ۔تاہم اس کی وجہ سے نکاح پر کوئی اثر نہیں پڑتا۔

لہذا صورت مسؤلہ کے مطابق بیوی کا اپنے شوہر کو ابو کہنے سے نکاح پر کوئی اثر نہیں پڑتا بلکہ دونوں بدستور میاں بیوی رہیں گے البتہ ایسے الفاظ کہنا  مناسب نہیں ،ان سے احترازکرنا چاہیے ۔

(‌وظهارها ‌منه ‌لغو) فلا حرمة عليها ولا كفارة، به يفتى،(الدر المختار شرح تنوير الأبصار ،كتاب الظهار،ص:238)