واضح رہے کہ سکول کا تنخواہ دار استاد اجیر خاص کے حکم میں ہوتا ہے اور اجیر خاص وہ ہوتا ہے، جو  اپنے وقت کے بدلے اجرت کا مستحق ہوتا ہے، اس پر لازم ہوتا ہے کہ وہ اپنا مقررہ وقت پورا کرے، چاہے اس وقت میں کوئی کام ہو یا نہ ہو۔

صورتِ مسئولہ کے مطابق حکومت کی طرف سے جو وقت مقرر ہے سائل کو اس کا پورا کرنا ضروری ہے، اس سے پہلے جانا جائز نہیں ہے، اگرچہ کوئی کلاس نہ ہو اور وقت سے پہلے جانے کی صورت میں اس وقت کی تنخواہ لینا جائز نہیں ہے۔

(والثاني) وهو الأجير (الخاص) ويسمى أجير وحد (وهو من يعمل لواحد عملا مؤقتا بالتخصيص ويستحق الأجر بتسليم نفسه في المدة. (رد المحتار على الدرالمختار،كتاب الإجارة،ج:6،ص:69)

أن الأجير الخاص هو الذي يستحق الأجر بتسليم نفسه في المدة. (فتح القدير،كتاب الإجارات،ج:9،ص:140)