واضح رہے کہ زکوٰۃ کی شرائط میں سے ایک شرط یہ ہے کہ نصاب کامل ہو یعنی ساڑھے سات تولہ سونا یا ساڑھے باون تولہ چاندی یا اس کی قیمت کے برابر نقد رقم یا سامان تجارت ہو۔ اگر ان میں سے کوئی ایک نصاب بھی پورا نہ ہو بلکہ کچھ سونا ہو، کچھ چاندی ہو اور کچھ نقد رقم ہو تو اس صورت میں ان کو اجزاء کے اعتبار سے ملاکر دیکھا جائے گا اگر ملانے سے نصاب پورا ہو جائے تو زکوٰۃ واجب ہوگی  ورنہ نہیں۔

صورت مسئولہ میں اگر سائل کے پاس صرف ڈھائی تولہ سونا ہو تو صاحب نصاب بننے کے لئے اس کے پاس (35) تولہ چاندی یا اس کی قیمت کا ہونا ضروری ہے ورنہ اس پر زکوٰۃ واجب نہیں ہوتی۔ نیز بچیوں کے پاس جو چاندی ہے اگر سائل نے یہ ان کی ملکیت میں دی ہو تو اس کو اپنی ملکیت کے ساتھ حساب نہیں کرے گا۔

‌ومنها ‌كون ‌المال نصابا، فلا تجب في أقل منه۔ ( الفتاوى الهندية، كتاب الزكوة، ج:1،ص:172)

ثم اختلفوا في كيفية الضم، فقال أبو حنيفة رحمه الله تعالى: يضم أحدهما إلى الآخر باعتبار القيمة، وقال أبو يوسف و محمد باعتبار الأجزاء وهو إحدالروايتين عن أبي حنيفة رحمه الله تعالى۔ (كتاب المبسوط، كتاب الزكاة، باب زكاةالمال، ج:2، ص:193)