واضح رہے کہ عمرے کی ادائیگی کے لیے ہر عمرے کاالگ الگ احرام باندھ کرطواف و سعی کرکے احرام کھو لنے کےلیے بال کٹوائے جائیں گے،اگر کوئی شخص عمرے میں سعی  کے بعد  اور حلق یا قصر  سے پہلے دوسرا عمرہ شروع کردے تو اس سے دوسرا عمرہ بھی لازم ہوجائے گا  اور ایک احرام پر دوسرا احرام باندھنے کی وجہ سے دم جمع لازم ہوگا۔

صورت مسئولہ  کے مطابق پہلے عمرے سے حلق یا قصر کیے بغیر یکے بعد دیگرے  چارعمروں  کا احرام باندھا گیا ہے اس لیے  ہر احرام علی الاحرام کی وجہ سے ایک دم جمع لازم ہوگا ،لہٰذا مذکورہ شخص پر  چار  دم لازم ہوں گے، اور آخر میں قصر کرنے سے یہ قصر آخری عمرے کے لیے معتبر ماناجا ئے گا۔

ولوطاف وسعى للأولى ولم يبق عليه إلا الحلق فأهل بأخرى لزمته ‌ولا ‌يرفضھا ‌وعليه ‌دم ‌الجمع، وإن حلق للأولى قبل الفراغ من الثانية لزمه دم آخر، ولو بعده لا. (ردالمحتارعلى الدرالمختار،باب الجنایات،ج:3،ص:630)