واضح رہے کہ کسی بھی شخص کا جانتے ہوئے اپنے بچوں کی اصلی عمر کی بجائے کم یا زیادہ عمر لکھنا شرعا جھوٹ اور دھوکہ دہی ہے، جوکہ ناجائز اور حرام ہے۔ اس لیے جان بوجھ کر تاریخ پیدائش میں غلط اندراج کروانے سے اجتناب ضروری ہے، وگر نہ جب بھی جہاں کہیں اور کسی بھی موقع پر تاریخ پیدائش لکھنے کی نوبت آئے گی جھوٹ اور دھوکہ دہی لازم آئے گی،اس لیے اصلی عمر لکھنا ضروری ہے۔

صورت مسئولہ کے مطابق کسی شخص کا جانتے ہوئے اپنی عمریا اپنے بچوں کی اصلی عمر کی بجائےکم یا زیادہ عمر لکھنا ناجائز اور گناہ ہے۔ اس لیے اس سے اجتناب ضروری ہے۔ تا ہم اگر ایسی غلطی کی گئی اور بعد ازاں اس کم عمر لکھنے کی بنا پر اس کو کوئی ملازمت حاصل ہو جائے تو اس کی تنخواہ اس کے لیےحرام نہیں۔

عن أبي هريرة، عن النبي صلى الله عليه وسلم قال: ‌آية ‌المنافق ‌ثلاث: ‌إذا ‌حدث ‌كذب، وإذا وعد أخلف، وإذا اؤتمن خان. (جامع الترمذي،باب في علامة المنافق، رقم الحديث:2631، ج:3، ص:1045)