ثبوت رضاعت کے لیے دو مردوں یا ایک مرد اور دو عورتوں کی گواہی ضروری ہے۔ ایک عورت کی گواہی معتبر نہیں، تاہم اگر اس کا قول موجب یقین واطمینان ہو، اور اس میں کذب بیانی کا احتمال نہ ہو تو عقد ِنکاح سے پہلے اس رشتہ سے احترازبہتر ہے،جب کہ بعد از نکاح ثبوتِ رضاعت کے لیے با قاعدہ گواہان کا ہونا ضروری ہے۔

صورت مسؤلہ میں اگر زید کی دادی دودھ پلانے سے منکرہو،اور گواہان بھی موجود نہ ہوں تو محض زید کی والدہ کے قول کا اعتبار نہیں اس لیے زید کا نکاح اس لڑکی سےجائز ہوگا۔ البتہ اگر اس کے دعویٰ پر سچ ہونے کاغالب گمان ہو رہا ہو تو پھر اس رشتے سے احترازکرنا چاہیے۔

لا تقبل في الرضاع شهادة النساء منفردات وإنما تثبت بشهادة رجلين أو رجل وامرأتين. (الھدایۃ ، کتاب الرضاع،ج:3،ص:450)

وقد قلنا: إنه إذا وقع في القلب صدقها يستحب التنزه ولو بعد النكاح. (فتح القدير للكمال بن الهمام،ج:3، ص:461 )