واضح رہے کہ نکاح انسان کی شرعی اور فطری ضرورت ہے، اس لیے میاں بیوی میں سے کسی ایک کے فوت ہوجانے کے بعد دوسرے کو نکاح کی ضرورت پیش آ سکتی ہے۔ اسی وجہ سے شریعت نے عدت کے بعد  دوسری جگہ نکاح کرنے پر کوئی پابندی عائد نہیں کی ہے۔

صورتِ مسئولہ کے مطابق، بیوی نے شوہر کے ساتھ جو وعدہ کیا تھا اب اس کی وفات کے بعددوسری جگہ شادی کرنے سے وعدہ خلافی تو ہو گی لیکن اگرنکاح کے بغیر گناہ میں مبتلا ہونے کا اندیشہ ہو ،یا نان نفقہ کا بندوبست نہ ہو یا علیحدہ زندگی گزارنا دشوار ہو تو ضرورت کی بنا ء پروعدہ توڑ کر دوسری جگہ نکاح کرسکتی ہے۔

عن زيد بن أرقم، عن النبي صلى الله عليه وسلم، ‌قال: ‌إذا ‌وعد ‌الرجل ‌أخاه، ومن نيته أن يفي له فلم يف ولم يجئ للميعاد فلا إثم عليه (سنن أبي داود،باب في العدة،ج:4،ص: 299،رقم الحديث4995)