واضح رہے کہ نمازجمعہ یا عیدین کے لیےشہر،قصبہ یا بڑا گاؤں میں کیا جاسکتا ہے، بڑے گاؤں ہونا ضروری ہے،موجودہ دورمیں اگر کسی جگہ کی آبادی دو دھائی ہزار افراد پر مشتمل ہو اورضروریات زندگی اس میں میسر ہو،تو ایسی جگہ نماز جمعہ اور عیدین پڑھنا جائز ہے۔

صورت مسئولہ کے مطابق جب اس گاؤں کی آبادی بارہ سو(1200) کے قریب ہے اور یہ گاؤں شہر سےاٹھارہ(18) کلو میٹر کے فاصلے پرواقع ہے، تواس گاؤں میں نماز جمعہ اورعیدین پڑھنا درست نہیں، تاہم اگر اس گاؤں میں نماز جمعہ ادا ہوتی ہو اوراس کو بند کرنے سےآپس میں انتشاراور فتنہ برپا ہونے کا خطرہ ہو تو ایسی صورت میں وہاں نماز جمعہ جاری رکھنےکی گنجائش ہے۔

لا تصح الجمعة إلا في مصر جامع ‌أو في مصلى المصر ولا تجوز في القرى. (الهداية،كتاب الصلوٰة،باب الجمعة,ج:1، ص:177)

درء المفاسد أولى من جلب المنافع،أي إذا تعارض مفسدة و مصلحة، قدم رفع المفسدة؛ لأن اعتناء الشرع بالمنهيات أشد من إعتنائه بالمأمورات۔ (شرح المجلة، سليم رستم باز، المادة:٣٠)