واضح رہےکہ نماز کی صحت کے لیے وقت کا داخل ہونا شرط ہے،وقت داخل ہونے سے پہلے ادا کی گئی نماز شرعاً درست نہیں ہوتی۔ البتہ اگر اذان سے پہلے نماز ادا کی جائے اور نماز کا وقت داخل ہوچکا ہو، تو نماز ادا ہو جائے گی۔

صورتِ مسئولہ کے مطابق اگر کوئی شخص ظہر کی نماز اذان ہونے سے پہلے ادا کرے، لیکن ظہر کا وقت شروع ہونے  کے بعد ادا کی ہو، تو نماز درست ہے، اور اگر زوالِ آفتاب سے پہلے ادا کی ہو، تو وہ نماز شرعاً صحیح نہیں، لہٰذااس پر  قضا لازم ہوگی۔

(ومنها) الوقت لأن الوقت كما هو سبب لوجوب الصلاة فهو شرط لأدائها، قال الله تعالى: ﴿إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَوْقُوتًا (103) ﴾ (سورةالنساء: 103)، أي فرضا مؤقتا حتى لا يجوز أداء الفرض قبل وقته. (بدائع الصنائع، كتاب الصلوة، فصل في شرائط الأركان،ج:1، ص:558)

(وأما) أول وقت الظهر فحين تزول الشمس بلا خلاف، لما روي عن أبي هريرة رضي الله عنه عن النبي صلى الله عليه وسلم أنه قال: «أول وقت الظهر حين تزول الشمس». (بدائع الصنائع، كتاب الصلوة، فصل في شرائط الأركان،ج:1، ص:561)