اگر دورانِ اعتکاف عورت کے ایام شروع ہوجائیں تو اس سےاعتکاف ٹوٹ جائے گا، ایسی حالت میں عورت اعتکاف چھوڑدےگی، اور بعد میں روزہ کے ساتھ ایک دن کے اعتکاف کی قضا کرنا لازم ہوگی، دس دن کی قضا لازم نہیں ہوگی، اس لیے رمضان المبارک ہی میں اسی کی قضا کرنا ممکن ہو تو کرلے، ورنہ رمضان کے بعد  بھی  عیدین وایام تشریق کے علاوہ کسی دن مغرب سے دوسرے دن کے غروب آفتاب تک اعتکاف کی قضا کرلےاور اس دن روزہ بھی رکھے۔

وعلی کلّ فیظھر من بحث ابن الھمام لزوم الاعتکاف المسنون بالشروع، وأن لزوم قضاء جمیعِه أو باقیه مخرّج علی قولِ أبی یوسف،وأمّا علی قول غیرہ فیقضی الیوم الّذی أفسدہ لاستقلال کل یوم بنفسه.(رد المحتار على الدر المختار،كتاب الصوم ،باب الإعتكاف،ج:2،ص:444)

"ولو حاضت المرأة في حال الاعتكاف فسد اعتكافها؛ لأن الحيض ينافي أهلية الاعتكاف لمنافاتها الصوم، ولهذا منعت من انعقاد الاعتكاف فتمنع من البقاء". (بداىٔع الصناىٔع،كتاب الاعتكاف،فصل في ركن الاعتكاف،ج:3،ص:116)