میں پچھلے13-14  سال سے  چرس کا عادی ہوں  اور نشہ کی ابتدا  اپنی  ذہنی سکون کے لیے کی، لیکن وقت گزرنے کے ساتھ عادت بن گئی اور ذہنی کیفیت بھی متا ثر ہونے لگی ۔اسی ذہنی حالت ،خاندانی کشمکش اور جذ باتی دباو کے زیرِ اثر رمضان المبارک کے مہینے میں 18مارچ 2025کو دفتر سے چھٹی کر کے جب میں گھر پہنچا او ر والدین کے پاس جا کرانہیں سلام کیا ،وہاں محلے کی ایک خاتون بھی تھی (جن سے خاندانی مراسم بھی ہیں )۔ اس روز میرا اپنے دوستوں کے ساتھ باہر افطاری پر جانے کا پروگرام تھا ۔میں نے سلام کے بعد والدہ سے پو چھا کہ سیخیں کہاں رکھی ہیں ۔ تو اس دوران اس خاتون نے مجھے والد کے سر پر سخت لہجے میں ڈانٹنا شروع کر دیا ۔ کہ تم والد کے پاس جا کرانہیں پو چھتے نہیں تمہیں قدر نہیں ۔ جیسا میں پہلے بتا چکا ہوں کہ والد کا بچپن سے سخت رویہ ہونے کی وجہ سے اور قربت نہ ملنے کی وجہ سے میں ان سے بات کرنے سے کتراتا  ہوں اور صرف ضرورت کی بات کرتا ہوں ۔میں روزے سے تھا اور پہلے ہی پریشان تھا اور مجھے اس خاتون کی وہ باتیں تنگ کر رہی تھی اور مجھے اپنی بے عزتی محسوس ہو رہی تھی لیکن میں خاموش تھا ااور مجھے شدید غصہ بھی ا ٓرہا تھا، غصے سے میری طبیعت بگڑنا شروع ہو گئی جس کے باعث میرا پورا بدن کانپنا شروع ہو گیا اور غصے میں ہمیشہ یہی کیفیت ہوتی ہے ۔ میں شدید غصے کی حالت میں پرسکون ہونے کے لیے گھر سے باہر نکل گیا ۔ کچھ دیر بعد میری  والدہ اور وہ خاتون گھر سے باہر آئیں  اور مجھے  دوبارہ ڈانٹا، جس سے میں مزید تعیش میں آگیا اور باہر گلی میں اس خاتون اور والدہ کے ساتھ تلخ کلامی ہوئی ۔ اس تلخ کلامی کے دورا ن مجھے صرف اتنایاد ہے کہ میں نے انہیں بولا کہ کیا آپ کو نہیں معلوم  کہ میرے والد کا رویہ میرے ساتھ ہمیشہ سے کیسے رہا ہے ۔ اس کے بعد میں نے کیا کیا بولا ،اس میں سے کچھ بھی میرے ذہن میں نہیں اور اسی  شدید غصے کی حالت میں گھر کی طرف بھاگا(میرے دماغ میں والد اور بیوی کی جانب سے میرے  ساتھ زندگی میں ہونے والے تمام سلوک گھوم رہے تھے )۔ جب گھر میں داخل ہوا تو میری بیوی جو اس سارے واقعے کے دوران چھت پر تھی اور ہمارا نہ کوئی سامنا ہوا تھا اور نہ اس وقت جھگڑا ہوا تھا ،وہ سیڑھی سے نیچے آرہی تھی۔اور میں نے بنا کچھ سوچے سمجھے غیر ارادی طور پر اسے طلاق کے الفاظ بول دیےجو کہ کچھ یوں تھے”زہ تالہ اوس او دخکہ وختے طلاق راکوم “ (تین بار بولا )۔یہ الفاظ اس وقت میں نے کیوں ادا کیے میں نہیں جانتا ۔شاید اس وقت میں نے دھمکانے کے لیے بولے ہوں ، لیکن خود پر اور اپنی زبان پر اختیار نہ ہونے کے باعث میرے منہ سے یہ الفاظ کسی اور انداز سے نکل گئے ۔ میں مکمل طور پر خود پر کنٹرول اور حواس کھو بیٹھا تھا۔اس واقعہ کے تین گواہ  موجود تھے۔ بعد میں گھر والوں سے شکوہ کرتا رہا کہ کوئی تو مجھے اس وقت روکتا ، میرے منہ پر ہاتھ رکھتا یا مجھے کچھ مار دیتا تا کہ میری زبان بند ہو جاتی لیکن اس وقت مجھے کوئی روک نہ پایا ،شاید یہ بہت جلدی میں ہوا تھا،جس کے بعد میں نے اپنی بیوی کو غلیظ گالیاں بھی دیں اور والد صاحب سے بھی تلخ کلامی ہوئی۔ یہ دونوں کام میں نے پہلے نہیں کیے تھے۔ کیا میری اس شدید ذہنی دباؤ کے دوران شدید غصے کی حالت میں ذہنی کیفیت کو مد نظر رکھتے ہوئے دی گئی طلاق واقع ہوئی یا نہیں؟