واضح رہے کہ  اگر کوئی شخص  قیمت  کے اعتبار سے سونے، چاندی  یا مالِ تجارت کی زکوٰۃ دینا چاہے تو ایسی صورت میں سونے اور چاندی کی قیمت خرید کا اعتبار نہ ہوگا، بلکہ جس دن زکوٰۃ ادا کرے اس دن کی قیمت فروخت کا اعتبار ہوگا۔

لہذا صورت مسئولہ کے مطابق اگر کوئی شخص  سونے میں زکوٰۃ دینا چاہے، تواس میں قیمت خرید کا اعتبار نہیں، بلکہ قیمت فروخت کا اعتبار ہوگا۔

‌لأن ‌الواجب ‌الأصلي عندهما هو ربع عشر العين وإنما له ولاية النقل إلى القيمة يوم الأداء فيعتبر قيمتها يوم الأداء، والصحيح أن هذا مذهب جميع أصحابنا.(بدائع الصنائع، كتاب الزكاة، فصل صفة الواجب في أموال التجارة، ج:2، ص:22)