میرا بیٹا نفسیاتی مریض ہے، ڈاکٹر کے پاس گیا تھا، اس نے دوائی لکھی تو میں  نےدو تین دن بعد ٹیلی فون پر اس کا حال پوچھا، تو اس نے بتایا کہ "میڈیسن " میں نشہ زیادہ ہے، جس کی وجہ سے میں صحیح طریقے سے کام نہیں کرپا تا ہوں۔پھر میں ان کے گھرچلی گئی، وہ "بیڈ" پر لیٹاہواتھا، مجھے لگا کہ وہ سویا ہوا ہے،اتنے میں وہ اچانک اٹھ کر بیٹھ گیا، مجھے سلام بھی نہیں کیا اوربیوی سے  شکایتیں شروع کردیں، چونکہ اس کی بیوی بھی موقع پر موجود تھی، اس کو ناگوار گزری اور اس نے بھی باتیں شروع کیں اور وہ تیز ہوگئی، شاید اس کوخیال نہیں تھا کہ اس کے شوہر کو تکلیف ہے۔ جب میں نے یہ صورتحال دیکھی  تو "بہو" کو لیکر باہر نکلی  اور "کچن " میں چلی گئی، تاکہ بات ختم ہو۔اتنے میں پلیٹ ٹوٹنے کی آواز آئی اور وہ اپنے کمرے سے نکل کرکچن میں آگیا، اور غصے سے اپنی بیوی کو تھپڑ مارا۔پھر جاتے وقت ہماری طرف دیکھے بغیر اپنے ساتھ "تین مرتبہ طلاق" کے الفاظ کہے۔یہ ایک خاص دور انیہ ہوتاہے جس میں وہ غصہ ہوتاہے اور کچھ بھی منہ سے نکال دیتا ہے،اور یہ صرف بیوی کے ساتھ نہیں ،بلکہ  بھائی اور  ماموں سے بھی غصے میں آکر الٹ پلٹ بول دیتا ہے۔جب یہ خاص دورانیہ ختم ہوجاتا ہے تو وہ اورطرح کا انسان بن جاتا ہے،ایسا لگتا ہے جیسا  کہ اس نے کچھ کیا ہی  نہ ہو۔سوال یہ ہے کہ  کیا میرے بیٹے کا جاتے وقت ہماری طرف دیکھے بغیر اپنے ساتھ "تین مرتبہ طلاق" کے الفاظ کہنے سے اس کی بیوی کو طلاق واقع ہوئی ہے یا نہیں؟میڈیکل رپورٹ سوال کے ساتھ لف ہے۔