میں خلیجی ممالک میں ایک غیر سرکاری کمپنی میں ملازمت کرتا ہوں، جو سافٹ ویئر اور آئی ٹی کے شعبے میں خدمات فراہم کرتی ہے۔ میرا بنیادی کام آئی ٹی انفراسٹرکچر، سرورز، اور دیگر آئی ٹی حل فراہم کرنے تک محدود ہے۔ یہ کمپنی مختلف صارفین کے لیے اپنے ملازمین کو منصوبہ جات (Projects) پر کام کرنے کے لیے بھیجتی ہے۔ حال ہی میں، مجھے ایک بینک کے پروجیکٹ پر کام کرنے کے لیے بھیجا گیا ہے۔ یہ بینک تجارتی نوعیت کا نہیں ہے بلکہ اس کا مقصد چھوٹے اور درمیانے درجے کے منصوبوں کو مالی امداد فراہم کرنا ہے۔ اس بینک کے گاہکوں کے یہاں اکاؤنٹس نہیں ہوتے بلکہ یہ اپنے تمام مالی معاملات تجارتی بینکوں کے ذریعے انجام دیتا ہے۔ سوالات: 1. کیا میرا اس بینک میں بطور پروجیکٹ ملازم کام کرنا جائز ہے؟ واضح رہے کہ میرا کام صرف آئی ٹی سرورز اور حل فراہم کرنے تک محدود ہے اور سود کا کوئی دخل نہیں۔ 2. حال ہی میں اس بینک نے مجھے اپنی کمپنی چھوڑ کر براہِ راست ان کا ملازم بننے کی پیشکش کی ہے۔ میری نیت کسی قسم کے فرار یا کمپنی کے معاہدے سے انکار کی نہیں ہے، بلکہ مکمل ضابطے کے تحت باقاعدہ استعفیٰ دینے کے بعد اس بینک میں ملازمت اختیار کرنے کا سوال ہے۔ کیا میرے لیے اس بینک میں براہِ راست ملازمت اختیار کرنا شرعی طور پر جائز ہوگا، جب کہ میرا کام مذکورہ بالا تفصیلات کے مطابق ہوگا؟ آپ سے درخواست ہے کہ ان سوالات کا تفصیلی اور واضح شرعی جواب عطا فرمائیں تاکہ میں اپنے پیشہ ورانہ امور کو اسلامی تعلیمات کے مطابق جاری رکھ سکوں۔ بنک کس بنیاد پر کام کرتا ہے اسکی تفصل یہ ہے:

الشريك المفضل في تمويل المشاريع و المؤسسات الصغيرة و المتوسطة توافقا مع أهداف و خطط التنمية الوطنية. الرسالة تقديم خدمات مالية لمشاريع ذات قيمة مضافة في مختلف القطاعات الاقتصادية من خلال خبراتنا وتميزنا في التمويل التنموي. أهداف البنك - تقديم الدعم الفني والمالي للمشاريع  - دعم مشاريع التشغيل الذاتي  - المساهمة في تحقيق الشمول المالي - تنمية قطاع المشاريع الصغيرة والمتوسطة۔