واضح رہے کہ  شریعت کی رو سے اچھےمعنی والا نام رکھنے کا مسمّی کی زندگی پر اچھا اثر ہوتا ہے،اس لیے اچھے معنی والا نام رکھنا چاہیے،تاکہ اس کا اچھااثربچے کی زندگی پررہے،نیز حضورﷺ،صحابہ کرام یا علمااورصلحائے امت نے جو نام پسند کیے ہیں وہ نام رکھنا زیادہ بہتر ہے،اس کے علاوہ جو نام بے معنی اور شرکیہ ہو ں اس سے احتراز ضروری ہے۔

صورت مسؤلہ میں"خدینہ"کا معنی ہے،دوستی کرنے والی،ساتھی،ہم راز،گہرا دوست،اور"خدیرہ"فارسی زبان کا لفظ ہے جس کا معنی ہے،خوبصورت، نیک اورخوش اخلاق۔یہ دونوں نام معنی کے لحاظ سے درست ہیں،اس لیے یہ نام رکھ سکتے ہیں۔

عَنْ أَبِي الدَّرْدَاءِ،قَالَ:قَالَ رَسُولُ اللَّهِ صلى الله عليه وسلم:«إِنَّكُمْ تُدْعَوْنَ يَوْمَ الْقِيَامَةِ بِأَسْمَائِكُمْ،وَأَسْمَاءِ آبَائِكُمْ،فَأَحْسِنُوا أَسْمَاءَكُمْ».(سنن أبي داؤد،کتاب الأدب،باب في تغيير الأسماء،ج:2،ص:222)

خدن:الخدن والخدين:الصديق،وفى المحكم:الصاحب المحدث،والجمع أخدان وخدناء.(لسان العرب،باب الخاء،ج:4،ص:42)

خدير:حسن ونيكوئی وخوش خلقی۔(فرهنگ فارسی بفارسی،تاليف:حامدی ربانی، حرف:خ،ص:194)