واضح رہے کہ خرید و فروخت کے وقت باہمی رضامندی سے جو قیمت طے ہوجائے اور خرید و فروخت کا معاملہ حتمی ہوجائے، تو خریدار  وہی طے شدہ قیمت دینے کا پابند ہوتا ہے، بعد میں مارکیٹ ریٹ میں کمی یا زیادتی کا اعتبار نہیں ہوتا۔  

صورت  مسؤلہ کے مطابق  اگر دکان دار نے معاملہ طے پاتے وقت سولرمتعین کر دیے تھے، تو بیع  تام شمار ہو گی، اس لیے سائل پر وہ پوری قیمت لازم ہے جومعاملہ کرتے وقت قیمت طے ہوئی تھی ،مارکیٹ ریٹ کم ہونے کی وجہ سے دکاندار کو طے شدہ قیمت سے کم پیسے دینا جائز نہیں ہے۔البتہ اگر دکان داراپنی مرضی سے  طے شدہ رقم  سے کم  لینے پر راضی ہوجائے، تو شرعا یہ جائزہے۔

"الثمن المسمى هو الثمن الذي يسميه ويعينه العاقدان وقت البيع بالتراضي، سواء كان مطابقا للقيمة الحقيقية أو ناقصا عنها أو زائدا عليها"۔(مجلة الأحكام العدلية، الكتاب الأول في البيوع، المقدمة في بيان الاصطلاحات الفقهية المتعلقة بالبيوع، ج:1، ص:33، المادة:153)