بِسْمِ اللَّهِ الرَّحْمَنِ الرَّحِيم
| لاگ ان | 02/11/2026 |
دارالافتاء
عشر کی ادائیگی میں فصل پر آنے والےخرچہ کو منہا کرنا
سوال
اگر کوئی شخص اپنی کھیت پر کدو کی فصل کاشت کرتا ہے اور اس کے لیےکھیت میں ایک خاص قسم کا جال لگاتا ہے جس پر بہت خرچہ آتا ہے، تو کیا عشر ادا کرتے وقت جال کاخرچہ نکالے گا یا نہیں؟
جواب
واضح رہے کہ زمین سے حاصل شدہ کل پیداوار میں عشر یا نصف عشر واجب ہوتا ہے، اسی وجہ سے فصل کے پکنے تک اس پر ہونے والے اخراجات کو منہا نہیں کیا جائے گا، بلکہ تمام پیداوار سے عشر یا نصف عشر ادا کیا جائے گا ۔
صورت مسئولہ کے مطابق کدو کی فصل کے لیے جال لگانے کے اخراجات کو عشر سے منہا نہیں کیا جائے گا بلکہ کھیت کی مجموعی پیداوار سے عشر ادا کرنا ضروری ہوگا۔
" وكل شيء أخرجته الأرض مما فيه العشر لا يحتسب فيه أجر العمال ونفقة البقر " لأن النبي عليه الصلاة والسلام حكم بتفاوت الواجب لتفاوت المؤنة فلا معنى لرفعها۔ (الهداية، كتاب الزكاة، ج:1، ص:109)