شریعت نے طلاق کا اختیار شوہر کو دیا ہے اور طلاق واقع ہونے کے لیے عورت  کا موجود ہونا یا  طلاق کے الفاظ  کو سننا ضروری نہیں، بلکہ  شوہر کے کہنے  سے ہی طلاق واقع ہو جاتی ہے۔

 صورت مسئولہ کے مطابق  اگر شوہر بیوی کی غیر موجودگی میں اسے تین طلاقیں دے تو اس سے بیوی پر تینوں طلاقیں واقع ہو جائیں گی، چاہے  طلاق کے الفاظ بیوی نے سنے ہو یا نہیں ۔

قال اللہ تعالیٰ : فَإِن طَلَّقَهَا فَلَا تَحِلُّ لَهُ مِن بَعۡدُ حَتَّىٰ تَنكِحَ زَوۡجًا غَيۡرَهُ۔ (البقرۃ:230)

‌وقال ايضاّ : الَّذِي بِيَدِهِ عُقۡدَةُ النِّكَاحِۚ۔ (البقرة:237) والذي بيده عقدة النكاح عندنا هو الزوج وهو قول ابن عباس وشريح....وظاهر الآية يدل على ذلك لأن الذي بيده عقدة النكاح من يتصرف بعقد النكاح. (المبسوط للسرخسي، كتاب الطلاق، ج:6،ص:63)