واضح  رہے کہ طلاق جس طرح  زبانی دینے سے واقع ہوتی ہے اسی طرح کسی کاغذ پر لکھ  دینے سے بھی واقع ہوتی ہے ،تاہم اگر طلاق اسٹامپ پیپر یا دوسرے مروجہ طریقے سے لکھی گئی ہو تو اس کو طلاق مرسومہ مستبینہ کہتے ہیں ،اس میں طلاق کے الفاظ لکھتے ہی طلاق واقع ہو جاتی ہے  ۔ چنانچہ   طلاق کی  خبر بیوی کو ہونا ضروری نہیں ہے بغیر خبر ہوئے بھی طلاق واقع ہوجاتی ہے ۔

صورت مسؤلہ میں اگر  شوہرنے   وکیل کے پاس جاکر اس سے  تین طلاق لکھوائی  ہو تو اس کی بیوی پر اسی وقت تین طلاقیں  واقع ہوگئی ہیں ،چاہے گواہوں کو اس کے بارے میں علم ہو یا نہ ہو ،اسی طرح طلاق کے واقع ہونے کے لیے نوٹس کے پیپر بیوی کے پاس پہنچنا ضروری نہیں ہے  اس لیے بغیر پہنچے بھی طلاق واقع ہوگئی ہے ۔

‌

الكتابة ‌على ‌نوعين مرسومة وغير مرسومة ونعني بالمرسومة أن يكون مصدرا ومعنونا مثل ما يكتب إلى الغائب وغير موسومة أن لا يكون مصدرا ومعنونا... وإن كانت مستبينة لكنها غير مرسومة إن نوى الطلاق يقع وإلا فلا وإن كانت مرسومة يقع الطلاق نوى أو لم ينو ثم المرسومة لا تخلو أما إن أرسل الطلاق بأن كتب أما بعد فأنت طالق فكلما كتب هذا يقع الطلاق وتلزمها العدة من وقت الكتابة.(الفتاوى الهندية، كتاب الطلاق،الباب الثانى في ايقاع الطلاق، الفصل السادس في الطلاق بالكتابة، ج:1، ص:378)