واضح رہے کہ اگر کوئی شخص اس طرح قسم کھائے کہ" جب بھی میں کسی عورت سے شادی کروں اسے تین طلاق " تو یہ شخص جب بھی کسی عورت سے شادی  کرے گا تو اس کو طلاق واقع ہو جائے گی،اور اس  طلاق سے بچنے کا طریقہ یہ ہے کوئی دوسرا شخص  اس کی اجازت کے بغیراس کا نکاح کرادے ،اس کی طرف سے ایجاب وقبول کر لے پھر وہ شخص  فعلاً  اس نکاح کوقبول  کردے    یعنی مہر ادا کردے،تو یہ نکاح درست ہو جائے گا ۔

صورت مسئولہ کے مطابق اگرکوئی دوسرا شخص سائل  کی اجازت کے بغیراس کا نکاح کرادے ،اس کی طرف سے ایجاب وقبول کرلے اور پھر اسے اطلاع دے کہ میں نے تمہارا نکاح کرادیاہے ، اور پھر سائل  زبان سے کچھ نہ کہے ،پھر مہر ادا کردےتو ایسی صورت میں اس کا  نکاح  درست ہو جائے گا۔

وإذا قال: ‌كل ‌امرأة ‌أتزوجها طالق فزوجه فضولي فأجاز بالفعل بأن ساق المهر ونحوه لا تطلق۔(فتح القدير، كتاب الطلاق ،باب الأيمان فى الطلاق،ج4،ص119)

‌(‌حلف ‌لا ‌يتزوج فزوجه فضولي فأجاز بالقول حنث وبالفعل) ومنه الكتابة خلافا لابن سماعة (لا) يحنث، به يفتى۔(ردالمحتار على الدر المختار ،كتاب الطلاق ،باب اليمين فى الضرب والقتل وغيره ذلك،ص304)