واضح رہے کہ اگر کوئی شخص واقعتاً معذور ہو تو اُس کے لیے میڈیکل ان فٹ رپورٹ کی بنیاد پرریٹائرمنٹ لینا جائز ہے، اوران فٹ ہونے کی بنیاد پرجو مراعات متعلقہ ادارے کی طرف سے دی جاتی ہیں(خواہ وہ پنشن ہو یا دیگر اضافی مراعات ہوں)وہ متعلقہ ادارے کی طرف سے تبرع اوراحسان ہوتا ہے، لہذاان کا لینا جائز ہے۔ اوراگرکوئی شخص معذورنہ ہواور جعلی میڈیکل رپورٹ بنواکراپنے آپ کو معذور ظاہر کرکے ریٹائر ہوجائے تاکہ ادارے سے مراعات حاصل کی جاسکے تو یہ کام جھوٹ اور دھوکے پر مشتمل ہونے کی وجہ  سے شرعاً ناجائز ہے۔

صورت مسئولہ کے مطابق  اگر کوئی شخص حقیقتاً بیمار نہ ہواور میڈیکل رپورٹ کے ذریعے اپنے آپ کو خلاف حقیقت بیمار ظاہر کروارہا ہو، اور یوں دھوکہ دہی اور فریب سے اپنے آپ کو پنشن کا مستحق بنا رہا ہو، تو ایسی صورت میں اس شخص کے لیے پنشن لینا جائز نہ ہوگا اورسوال ميں ذكر كرده خرابيوں كے ساتھ اپنے پوسٹ پر بیٹے یا بیٹی کی تقرری کروانا اور اس سے دوسرے لوگوں کی حق تلفی کرانا  بھی ناجائزہے۔

 قال الله تعالى: ﴿يَٰٓأَيُّهَا الَّذِينَ ءَامَنُواْ لَا تَأۡكُلُوٓاْ أَمۡوَالَكُم بَيۡنَكُم بِالۡبَاطِلِ إِلَّآ أَن تَكُونَ تِجَارَةً عَن تَرَاضٍ مِّنكُمۡۚ﴾ (النساء:29)

عن أبي هريرة أن رسول الله صلى الله عليه وسلم قال: «‌من ‌حمل ‌علينا ‌السلاح ‌فليس ‌منا، ومن غشنا فليس منا».(صحيح مسلم، كتاب الإيمان، باب قول النبي صلى الله عليه وسلم"من غشنا فليس منا"، ج:1، ص:99)

قَال رسول الله صلى الله عليه وسلم: "لا يحل مال امرئ مسلم إلا بطيب نفس منه".(السنن الکبری للبیھقی، کتاب الغصب، باب من غصب لوحاً فأدخله في سفينة أو بنى عليه جدارا، ج:8،ص:506)

‌لا ‌يجوز ‌لأحد ‌من ‌المسلمين ‌أخذ ‌مال أحد بغير سبب شرعي.(البحر الرائق شرح كنزالدقائق، كتاب الحدود، فصل في التعزير، ج:5، ص:67، دارالكتب العلمية)