صدقات نافلہ کی رقم مدرسہ کی تمام  ضروریات میں خرچ ہو سکتی ہے،لیکن صدقات واجبہ  میں یہ ضروری ہے کہ مستحق کو اس رقم  کا باقاعدہ مالک بنایا جائے،پھر وہ اپنی مرضی سے اخراجات کے لیے مدرسہ کے ارباب اختیار کو دے دے،تو اس میں ملکیت تام ہوکر واپسی پر یہ رقم مدرسہ کے ہر مد میں خرچ کی جاسکتی ہیں ۔

لہذا صورت مسئولہ کے مطابق صدقات واجبہ کی رقوم تملیک کے بعد مدرسہ میں مدرسہ کے مہمان یا طالب علم کے سر پرست پر خرچ کرنا جائز ہے۔اسی طرح مدرسہ کے مفاد میں منعقد کیے گئے پروگرام یا اجلاس میں مہمانوں پر خرچ کرنا بھی شرعاًجائز ہے۔جب کہ تملیک کے بغیر صدقات واجبہ کو ان مقاصد میں استعمال کرنا جائز نہیں۔

ويشترط أن يكون الصرف (‌تمليكا) ‌لا ‌إباحة كما مر (لا) يصرف (إلى بناء) نحو (مسجد و) لا إلى (كفن ميت وقضاء دينه).(الدر المختار مع رد المحتار،كتاب الزكوة ،باب مصرف الزكوة ،ج3،ص:291)

وقدمنا أن الحيلة أن يتصدق على الفقير ثم يأمره بفعل هذه  الأشياء.(الدر المختار على صدر ردالحتار،كتاب الزكاة،باب المصرف،ج:3،ص:294)