بِسْمِ اللَّهِ الرَّحْمَنِ الرَّحِيم
| لاگ ان | 01/09/2026 |
دارالافتاء
ملازم كا حکومت کی طرف سے ملنے والے موبائل كو ضائع كرنا
سوال
سکول کے ہیڈ ماسڑ کو حکومت کی طرف سے استعمال کے لیے موبائل مل جائے اور پھر اس موبائل کی اسکرین اس ملازم کے بیٹے سے ٹوٹ جائے اب اس موبائل کیا ا سکرین بازار میں نہیں ملتی تاکہ اس کو صحیح کیا جا سکے تو اب اس موبائل کو اس ہی حالت میں واپس کر ے گا یا اس دن کی قیمت ادا کرے گا جس دن خریدا تھا یا موجودہ قیمت ادا کرے گا ۔كیا سیکنڈ ہینڈ موبائل اس کے بدلے میں خرید کر دے سکتا ہے؟
جواب
حکومت اور ادارے کی طرف سے ملازم کو جو چیز استعمال کے لیے دی جاتی ہے وہ ملازم کے پاس امانت ہوتی ہے ۔ اما نت کے ضائع ہونے پر امین ضامن اس وقت ہوگا ،جب امانت کے ضائع ہونے میں امین کاعمل دخل ہو یعنی امانت امین کی تعدی یا غفلت کی وجہ سے ضائع ہو جائے تو پھراس کا ضامن ہو گا ۔
صورت مسئولہ کی مطابق جب موبائل کی اسکرین ملازم کے بیٹے سے ٹوٹی تو یہ ملازم کی غفلت اور کو تاہی ہے لہذا اب ضمان اس پر لازم ہو گا لہذا اس کی موجودہ قیمت ادا کرے گا۔
الوديعة أمانة فى يدالمودع ،فإذا هلكت بلاتعد منه،وبدون صنعه وتقصير فى الحفظ لا يضمن.(شرح المجلة،الفصل الثاني في احكام الوديعة، رقم المادة:777)
اذا هلكت الوديعة او نقصت قيمتها بتعدي المستودع او بتقصيره لزمه الضمان ( شرح المجلة : الفصل الثاني في احكام الوديعة ، رقم المادة:787)
الوديعة متى وجب ضمانها ، فإن كانت من المثليات ، تضمن بمثلها ،و إن كانت من القيميات تضمن بقيمتها يوم لزوم الضمان. (شرح المجلة، رقم المادة:803)