واضح رہے کہ اگر کوئی شخص کسی خاص فرد، کمپنی یا ادارہ کی طرف سے کسی خاص وقت میں کام کرنے پر مامور نہ ہو، بلکہ وہ عام لوگوں  کو اجرت کے عوض خدمات دے رہا ہو، تو اس کواجیر مشترک کہا جاتاہے۔  اس کےلیے جائز خدمات کے عوض اجرت لینا جائز ہے، البتہ اجرت معلوم ہونا ضروری ہے، نیز ہر  وہ چیز جس میں بذات  خود کوئی گناہ ہو تو اس سے پیسے کمانا جائزنہیں، لیکن اگر اس میں بذات خود گناہ نہ ہو، بلکہ گناہ کےلیے  سبب بن رہا ہو تو اس کی بیع کرنا مکروہ ہے۔

صورت مسئولہ کے مطابق گیسٹ پوسٹنگ کے طریقہ کار میں جب  نئے ویب سائٹ والےفری لانسرکو مقررہ رقم کے عوض بڑی ویب سائٹ پر آرٹیکل پوسٹ  کرنے کےلیے دے دیتے  ہیں تو ان کے درمیان اجارہ کا معاملہ طےپاتا ہے چنانچہ  آگے  پھر فری  لانسر اگر اس سے کم  رقم کے عوض اس کو پوسٹ کروائے تو اس طرح نفع کمانا اس کےلیے جائز ہے۔

اسی طرح ویب سائٹ کے ذریعے  جوے، شراب، فلمز، میوزک فوٹوں گرافی کےجو بیک  لنکس لے کر پیسے کمائے جاتے ہیں یہ جائز نہیں ،نیز انشورنس کمپنیوں کے معاملات جائز نہ ہونے کی وجہ سےان کےلیے وکالت پر کام کرنا  بھی جائز نہیں، البتہ جو ویب سائٹ کپڑوں اور فیشن وغیرہ کے  ہوں توان کے ساتھ معاملات کی گنجائش ہے، تاہم غیر شرعی لباس بیچنا اور اس سے کمائی کرنا کراہت سے خالی نہیں۔

لو قال: احمل هذا المتاع إلى بيتي ‌ولك درهم كان هذا. ( المبسوط للسرخسي، باب الخلع، ج: 6، ص: 180)

وشرطها: ‌كون ‌الأجرة ‌والمنفعة ‌معلومتين؛ لأن جهالتهما تفضي إلى المنازعة. (الدر المختار، كتاب الإجارة، ج:9، ص: 7)

أن ما قامت المعصية بعينه يكره بيعه تحريما وإلا فتنزيها.... وبيع المكعب المفضض للرجل إن ليلبسه يكره، لأنه إعانة على لبس الحرام وإن كان إسكافا أمره إنسان أن يتخذ له خفا على زي المجوس أو الفسقة أو خياطا أمره أن يتخذ له ثوبا على ‌زي ‌الفساق يكره له أن يفعل لأنه سبب التشبه بالمجوس والفسقة۔ ( ردالمحتار علی الدرالمختار، کتاب الحضروالإباحة، فصل في البيع، ج:9،ص: 562)