واضح رہے  کہ وہ  کلمات جن میں کفر اور عدم کفر دونوں کا احتمال ہو تو  حتی الامکان ان کلمات کو عدم کفر پر محمول کیا  جائے گا چنانچہ وہ کلمات  جو معنی اور مفہوم کے لحاظ سے   بظاہربے ادبی کے معلوم ہورہے ہو لیکن  عرف میں ان سے کوئی بے ادبی مراد نہ لیتا ہوتو ان الفاظ  کےکہنے سے کوئی دائرہ اسلام سے خارج نہیں ہوتا۔

صورت مسئولہ   کے مطابق   حضرت سلیمان علیہ السلام کی بادشاہی کے تذکرہ کے وقت یہ الفاظ کہناکہ "کافرہ بادشاہی وہ" تو ہین پر مبنی نہیں کیونکہ یہ الفاظ پشتو زبان میں مبالغہ کے طور پر استعمال ہوتے ہیں اس  لیے ان الفاظ سے کفر لازم نہیں  ہوتا تاہم انبیا ء اور دیگر مقدس شخصیات کی شان میں احتیاط سے بولنا  چاہیئے تاکہ کسی شک و شبہ میں مبتلا ہونا نہ پڑے ۔

لا ‌يفتى ‌بتكفير ‌مسلم مهما أمكن حمل كلامه على محمل حسن.(مجمع الأنهر في شرح ملتقى الأبحر،كتاب السير،باب المرتد،ج:1،ص:688)