ہم 7 بھائی اور 2 بہنیں اپنے والد صاحب کے ساتھ ایک ہی مکان میں رہتے تھے اور یہ مکان والد صاحب کے نام پر تھا ۔ والد صاحب کلیئرنگ فارورڈنگ کا کاروبار کرتے تھے ۔ اور ان کے ساتھ ان کے 4 بیٹے بھی اس کاروبار میں شریک تھے ۔ کچھ عرصے بعد دونوں بہنوں کی شادی ہو گئی تھی ۔ اور وہ اپنے اپنے گھر یعنی اپنے سسرال جاچکی تھیں ۔ اور باقی سارے بھائی اپنے والدین کے ساتھ رہتے تھے ۔ کچھ عرصے بعد والد صاحب کے کاروباری حالات کچھ خراب ہونےشروع ہوگئے ۔ بہت کوشش کےبعد بھی حالات بہتر نہیں ہورہےتھے، بلکہ مزید خراب ہوتے چلے گئے یہاں تک کہ کاروبار کو بہتر کرنے کیلئے ایک کلائنٹ کا لاکھوں روپے کا قرض والد صاحب کی کمپنی پر چڑھ گیا ۔ پھر اس کلائنٹ نے اپنی رقم کا تقاضا کرنا شروع کردیا، مگر کمپنی کو مسلسل خسارے کی وجہ سے اس کلائنٹ کی رقم کو اتارنا مشکل ہو رہا تھا۔ آخر کار کچھ عرصے کے بعد اس کلائنٹ نے کورٹ میں ہمارے خلاف کیس کردیا ۔ اور اس کے کچھ عرصے بعد کورٹ سے ہمیں ایک نوٹس ملا جس میں لکھا تھا کے آپ نے اس کلائنٹ کے پیسے دینے ہیں لہذا آپ فوراً اس کی رقم ادا کریں یا اس مکان کو جلد ازجلد خالی کریں ۔ تاکہ کورٹ اس مکان کو نیلام کر کہ قانون کے مطابق اس کلائنٹ کو رقم دے سکے جو اس نے کیس کیا تھا ۔ اس کےبعد ہماری پوری فیملی بہت پریشان ہوئی کچھ سمجھ نہیں آرہا تھا کہ کیا کریں ،کہیں سے رقم کا بندوست بھی نہیں ہو پارہا تھا اور آخر کار کورٹ کے دوسرے نوٹس پر دل برداشتہ ہو کر ہم لوگوں نے وہ مکان خالی کر دیا اور ایک کرائے کہ مکان میں رہنے لگے ۔ اسی پریشانی میں کچھ عرصے بعد والدہ کا انتقال ہو گیا ۔ اور پھر مزید تقریباً 2 سال کے بعد والد صاحب کا بھی انتقال ہو گیا ۔ اسی پریشانی میں ہم اپنے حالات بہتر کرنے کی کوشش میں لگے رہیں اور ہم لوگوں نے پلٹ کر اپنے مکان کی کوئی خبر نہیں لی اور ہم لوگ یہی سمجھتے رہے کہ کورٹ نے ہمارا مکان فروخت کرکے اس کلائنٹ کو رقم دے دی ہوگی ۔ اب والد کہ انتقال کے تقریباً 8 سال بعد کچھ عرصہ پہلے ایک تقریب میں والد کے ایک بہت پرانے دوست سے ملاقات ہوئی ۔ ان کو ہمارے گھر کے سب حالات کا علم تھا اور پچھلے کئی سالوں سے ملک سے باہر تھے ۔تب انہوں نے بتایا کہ کورٹ نے تم لوگوں کا مکان فروخت کرکے اس کلائنٹ کو اس کی رقم دے دی تھی ۔ مگر اس کے بعد بھی اس میں کچھ رقم باقی بچی ہوئی ہے جو کہ کورٹ میں ہی پڑی ہوئی ہے ۔ اور تم لوگ اس کے وارث ہو ، تم لوگ اگر کورٹ جاؤگے تو وہ رقم تم لوگوں کو مل سکتی ہے ،پھر ہم نے ایک وکیل کے ذریعے اپنے گھر کا پتہ بتا کر اس کیس کی ساری تفصیل نکلوائی ۔ کچھ ہی دنوں میں اس وکیل نے ہمیں ساری تفصیل سے آگاہ کیا ۔ اور ہمیں بتایا کہ کورٹ نے ہمارا مکان فروخت کرکے اس کلائنٹ کو اس کی رقم دے دی تھی ۔ اور اس کے بعد اس میں 9 لاکھ روپے بچے تھے ۔ کیونکہ آپ کے والد اور آپ لوگوں کی طرف سے کورٹ سے کوئی رابطہ نہیں کیا گیا تھا ۔ تو کورٹ نے کچھ عرصے انتظار کہ بعد یہ رقم اسپیشل سیونگ سرٹیفیکیٹ کہ ذریعے بینک میں جمع کروا دی تھی ۔ اور اب تازہ ترین صورتحال یہ ہے کہ اس رقم پر منافع بڑھتے بڑھتے یہ رقم اب تقریباً 30 لاکھ ہو چکی ہے ۔ اور وکیل نے مزید بتایا کہ کچھ قانونی تقاضے اور ضروری کاغذات مکمل کر کہ آپ لوگ مل کر ایک درخواست دائر کرینگے تو منافع کی رقم کے ساتھ یہ پوری رقم آپ سب وارثوں میں شریعت کے مطابق تقسیم ہو کر مل جائے گی ۔ اب معلوم یہ کرنا ہے کہ یہ رقم جو کورٹ میں باقی بچی ہوئی ہے ۔ اس کا نہ ہمارے والد کو اور نہ ہم لوگوں کو اس بارے میں کوئی علم تھا ۔ اور کورٹ نے یہ رقم اسپیشل سیونگ سرٹیفیکیٹ کہ ذریعے بینک میں رکھ دی اس کا بھی کسی کو علم نہیں تھا ۔ اب یہ رقم اسپیشل سیونگ سرٹیفیکیٹ کہ ذریعے بینک میں نہ ہمارے والد صاحب نے نہ ہم وارثوں میں سے کسی نے رکھوائی تھی ۔ بلکہ کورٹ نے خود اپنی مرضی سے رکھی تھی ۔ اب کیا شریعت کے مطابق ہم تمام وارث منافع کے ساتھ کورٹ سے یہ رقم لے  سکتے ہیں؟