واضح رہے قرآن مجید کو قرأت سبعہ متواترہ میں  سے کسی ایک قرأت میں  پڑھنا جائز ہے لیکن مجمع عام میں اس کا پڑھنا مناسب نہیں اس لیے کہ عام لوگ قرآن کے بارے میں غلط فہمی میں مبتلا ہو سکتے ہیں جس سے فتنہ کا اندیشہ ہے ، اسی اندیشہ  كے پيش نظر حضرت عثمان  نے جمع قرآن کا عمل کیا ۔

صورت مسؤلہ کے مطابق کسی سے مدرسہ کے سالانہ پروگرام میں سورۃ فاتحہ کی قرأت "سبعہ" کے مطابق کرنا جائز ہے البتہ عوام میں مشہور و معروف  روایت حفص کے مطابق ہی پڑھنا بہتر ہے ،تاکہ لوگ کسی تشویش اور غلط فہمی میں مبتلا نہ ہو ں  اور ایسی باتیں نہ کر بیٹھیں   جو قرآن کے مناسب نہ ہو ں۔

وقراءة القرآن بالقراءات السبع والروايات كلها جائزة، ولكنی اری الصواب أن لا يقرأ بالقراءة العجيبة بالإمالات وبالروايات الغريبة؛ لأن بعض الناس يتعجبون، و بعضهم يتفكرون، وبعضهم يخطئون، وبعض السفهاء يقولون مالا يعلمون.(الفتاوي التاتاخارنية، كتاب الصلاة، ج:2، ص:72 )

قراءة القرآن بالقراءات السبعة والروايات كلها جائزة ولكني أرى الصواب أن لا يقرأ القراءة العجيبة بالإمالات والروايات الغريبة. (الفتاوی الهندية، ج:1، ص:79)