بِسْمِ اللَّهِ الرَّحْمَنِ الرَّحِيم
| لاگ ان | 02/09/2026 |
دارالافتاء
ہیپی کرسمس ڈے پوسٹ بنانے کا حکم
سوال
میں ایک کمپنی میں بطور گرافک ڈیزائنر کام کر رہا ہے عیسائیوں کے بڑے دن کے حوالے سے کمپنی کہ رہی ہے کہ ہیپی کرسمس ڈے کے حوالے سے پوسٹ بنادیں میں بذات خود اس کو حرام سمجھتا ہوں اب میں مالک کے حکم پر پوسٹ بنانے سے انکار کر دوں یا بنا دوں ، تو میرے لیے کیا حکم ہے؟
جواب
واضح رہے کہ جس قول یا عمل سے باطل کی تائید ہوتی ہو یا اس کی ترویج و اشاعت ہو وہ شرعاً نا جا ئز ہے ۔
صورتِ مسئولہ میں ہیپی کرسمس ڈے پر مبنی پوسٹ بنانے کی صورت میں چونکہ کفار کے مذہبی تہوار کی ترویج و تائید ہوتی ہے اس لیے اس قسم کے پوسٹربنانا شرعاً جائز نہیں۔
وقوله تعالى: {ولا تعاونوا على الاثم والعدوان}نهي عن معاونة غيرنا على معاصي الله تعالى."(احکام القرآن للجصاص،ج:2،ص:381،ط:العلمیہ)
عن ابن عمر قال :قال رسول الله ۔صلى الله عليه وسلم ۔"من تشبه بقوم فهو منهم "قال القاري :من شبه نفسه بالكفار مثلا في اللباس وغيره، أو بالفساق ،أو الفجار،أوبأهل التصوف (فهو منهم )أي في الإثم،أو الخير عند اللہ۔ (بذل المجهود في حل أبي داؤد، كتاب اللباس باب في لبس الشهرة،ج:16، ص:356)