سرکاری اموال سے چونکہ اجتماعی  مفادات  وابستہ ہوتے ہیں اس لئے کسی شخص کے لئے شرعاً یہ جائز نہیں ان کو اپنےذاتی مفاد میں استعمال کرے۔ گورنمنٹ کی طرف سے عوام کے لئے جن سہولیات کا انتظام کیاجاتا ہے ان کی قیمت سرکاری خزانے سے  اداہوتی ہے اس لئے یہ اشیاء سرکار ہی ملک ہیں اس لئے جو شخص سرکارکی طرف سے مجاز نہ  ہو اس کی اجازت  معتبر نہیں، نیزجس شخص کے بارے میں یقینی طور پر معلوم ہو کہ اس کے پاس غصب یا چوری کامال ہے تواس سے وہ چیز خریدنا جائز نہیں۔

صورت مسئولہ کے مطابق  جس افسر نے سولر اور بیٹری کو ضبط کیا ہے  اس کے لئے ضروری ہے کہ وہ یہ مال اپنے مصرف تک پہنچائے یا گورنمنٹ کو واپس کردے، نیز یہ مال چونکہ اس کی ملکیت نہیں ہے اس لئے اس کو بیچنا جائز نہیں  نیز جس کو اس کے بارے میں یقینی طور پر معلوم ہو کہ یہ سرکاری مال ہے اس کے لئے اس کو خریدنا جائز نہیں ۔

والحاصل ‌أنه ‌إن ‌علم ‌أرباب الأموال وجب رده عليهم، وإلا فإن علم عين الحرام لا يحل له ويتصدق به بنية صاحبه، وإن كان مالا مختلطا مجتمعا من الحرام ولا يعلم أربابه ولا شيئا منه بعينه حل له حكما، والأحسن ديانة التنزه عنه.( رد المحتار على الدر المختار، ج:5، ص:99)

‌فكل ‌عين ‌قائمة يغلب على ظنه أنهم أخذوها من الغير بالظلم وباعوها في السوق فإنه لا ينبغي أن يشتري ذلك وإن تداولتها الأيدي.(الهندية، ج:5، ص:364)