ہمارے ہاں زمینوں کی آب پاشی کا نظام کچھ اس طرح ہے کہ نہروں سے نالیوں کے ذریعے پانی زمینوں کے حدود تک پہنچا یا جاتا ہے ، یہ نالیاں بعض جگہ پکی ہیں اور بعض جگہ کچی ہیں، پھر اپنی زمین کے مختلف مقامات پر پانی کا بند لگانا پڑتا ہے کیونکہ بغیر بند لگائے پانی کی رسائی زمین کے مختلف حصوں تک عموما نہیں ہوسکتی نیز پانی کی قلت کی وجہ سے ہر وقت پانی میسر بھی نہیں ہوتا کیونکہ ایک ہی نالی کے ساتھ بہت سارے لوگوں کی زمینیں منسلک ہوتی ہیں اس لئے پانی کو باریوں میں تقسیم کیا گیا ہے اور یہ باری کبھی دن کو آتی ہے اور کبھی رات کو اس لیے اپنی باری کا انتظار کرنا پڑتا ہے  بالخصوص اگر رات کے وقت باری آجائےتو سیرابی کے عمل میں مشقت مزید بڑھ جاتی اور 10 کنال کی زمین تقریبا 5 گھنٹے یا اس سےبھی زیادہ وقت میں سیراب کی جا سکتی ہےبلکہ بعض مقامات پر پانی کی قلت کی وجہ سے براہ راست نالیوں کے ذریعے زمین کی سیرابی ممکن نہیں ہوتی اس لئے پانی کو پہلے ایک تالاب میں جمع کیا جاتا ہے پھر وہاں سے جمع شدہ پانی سے زمینیں سیراب کی جاتی ہیں ان تمام مراحل سے گزر کر ایک آدمی اپنی زمین سیراب کرتاہےاس عمل کی مشقت  کا اندازہ وہی آدمی لگا سکتا ہے جو براہ راست آب پاشی کے اس نظام سے منسلک ہے تواب سوال یہ ہے کہ مذکورہ زمین کی پیداوار میں عشر واجب ہے یا نصف عشر؟