بِسْمِ اللَّهِ الرَّحْمَنِ الرَّحِيم
| لاگ ان | 31/08/2026 |
دارالافتاء
افعال عمرہ کےبعد خود قصر کرنے سے پہلے دوسری عورت کاقصر کرنا
سوال
اگر کوئی عورت عمرہ کے تمام افعال ادا کرنے کے بعداپنے بالوں میں قصر کرنے سے پہلے کسی اور عورت کے بالوں میں قصر کرے تو اس پر دم واجب ہوتا ہے یا نہیں؟
جواب
اگر کوئی حج یا عمرہ کرنے والا مناسک حج یا افعال عمرہ سے فارغ ہوجائے صرف حلق یا قصر کرنا باقی ہو تو اس کا خود اپنا یادوسرے کے بال کاٹنا شرعا درست ہے اور اس سے دم لازم نہیں ہوتا۔
لہذا صورت مسئولہ کے مطابق ایک عورت کا افعال عمرہ ادا کرنے کے بعد دوسری عورت کے بالوں میں قصر کرنے سے اس پر کوئی دم لازم نہیں ہوتا۔
"ولوحلق رأسه أو راس غیرہ من حلال أو محرم جازله الحلق لم یلزمھما شیٔ۔(غنيةالناسک،ص253)
(واذا حلق) ای المحرم (رأسه) ای رأس نفسه(أو رأس غیرہ) ای ولو کان محرما (عند جواز التحلل) ای الخروج من الاحرام بأداء أفعال النسک (لم یلزمه شیٔ) الاولی لم یلزمھما شیٔ وھذا حکم یعم کل محرم فی کل وقت".(ارشاد الساري الی المناسك لملا علی القاری،ص: 174)