اگرکوئی بچی پیدائشی دل کی مریضہ ہو اور اس کی ولادت اسی حالت میں ہوئی  ہو  اور یہی مسئلہ اس کی زندگی میں  مسلسل رہا ہو جس  کا  مشاہدہ بار بار والدہ کو ہوتا رہاہو اور پھر اچانک ایک رات بچی کی موت کچھ یوں واقع ہوئی ہو کہ بچی کی منہ میں ماں کا پستان ہو اور اس کی ناک  سے بہت خون نکلا ہوا ہو اور اس کے علاوہ بچی  نے نہ الٹی کی ہو اور نہ بول و براز وغیرہ خارج ہوا ہو  نیز بچی کی والدہ اور والد میں سے کسی نے بھی بچی کو ماں کے نیچے دبتا ہوا نہیں دیکھا  اور بچی کی وفات کے بعد اس کے بدن پر جامنی داغ جا بجا نمودار ہوئے جو اس کی بہن کی وفات کے بعد بھی نمودار ہوئے تھے جو کہ دل کی بیماری ہی سے فوت ہو چکی تھی۔ پوچھنا یہ ہے کہ  اب بچی کی والدہ  جو کہ ذہنی اذیت میں مبتلا ہے اور اس کے رپورٹ اور علامات اور دیگر بچوں کے اموات کے مشاہدات سے لگتا ہے کہ بچی دل کی بیماری ہی کی وجہ سے فوت ہوئی ہوگی لیکن کبھی ذہن میں خیال آتا ہے کہ کہیں بچی میرے نیچے دب جانے کی وجہ سے فوت نہ ہوئی ہو اور یہ خیال بچی کی والدہ کو ہر قسم کی تلافی کے لیے تیار کیے ہوئے ہے ۔ کیا مذکورہ صورتحال میں اس عورت پر کفارہ کے روزے یا دیت وغیرہ لازم ہوں گے یا نہیں؟