زمین سے حاصل شدہ  کل پیداوار میں عشر یا نصف عشر واجب ہوتا ہے اس لیےفصل کی تیار ی  تک ہونے والے جملہ اخراجات کو منہا کرکے عشر ادا کرنے کی شرعا اجازت نہیں ،  بلکہ  مجموعی پیداوار سے عشر ادا کرنا ضروری ہے کیونکہ عشر اور نصف عشر کا مدار  خرچہ  ومحنت پر ہے۔

           صورت مسئولہ میں فصل تیار ہونے تک  دوائی کے سپرے  ،کھاد ،پیداوار کی کٹائی  کی اجرت  ،تھریشر  کا خرچہ، اور اسی طرح پیداوار کو منڈی تک لے جانے اور کمیشن کا خرچہ  عشر ادا کرنے سے پہلے منہا کرنا جائز  نہیں ہے۔

وكل شيء أخرجته الأرض مما فيه العشر،لايحتسب فيه أجر العمال،و نفقة البقر؛لأن النبيﷺ حكم بتفاوت الواجب لتفاوت المؤنة،فلا معنى لرفعها۔(الهداية،كتاب الزكوة،باب زكوة الزروع والثمار،ج:1،ص:219)

ولو باع العنب أخذ العشرمن ثمنه وكذالك لوإتخذه عصيرا ثم باعه فعليه عشرثمن العصيركذا في محيط السرخسي۔(الفتاوى الهندية،كتاب الزكوة،في زكوة الزرع والثمار،ج:1،ص:249)