شریعت مطہرہ کی رو سےطلاق مغلظہ کے بعد بیوی پہلےشوہرکے لیے تب حلال ہوسکتی ہے،جب وہ عدت کے بعدباقاعدہ دوسرے شخص سے نکاح کرےاور دوسرا شخص اس سے ہمبستری بھی کرلے، پھر وہ شخص اپنی مرضی سے طلاق دیدےیا اس کا انتقال ہوجائے اور اس کے بعد عدت بھی گزرجائے تو ایسی صورت میں پہلے خاوند کے لیےدوبارہ نکاح کرناجائز ہوتا ہے۔

       صورت مسؤلہ کےمطابق اگرکسی شخص کی بیوی نےطلاق مغلظہ کےبعد دوسرے شخص سےنکاح کیااوراس شخص نے صرف خلوت صحیحہ کرلیا لیکن اس عورت کے ساتھ ہمبستری نہیں کی تو چونکہ حلالہ میں ہمبستری شرط ہے لہذا محض خلوت صحیحہ کےبعددوسرے شخص کےطلاق دینےاورعدت گزارنے سے یہ بیوی پہلےشوہرکے لیےحلال نہ ہوگی

وإن كان الطلاق ثلاثا في الحرة أو ثنتين في الأمة لم تحل له حتى تنكح زوجا غيره نكاحا صحيحا ويدخل بها ثم يطلقها أو يموت عنها۔(هداية، فصل فيما تحل به المطلقه، ج:2، ص:257)

(قوله وحلها للأول) أي لا تحل مطلقة الثلاث للزوج الأول بمجرد خلوة الثاني بل لا بد من وطئه لحديث العسيلة(الدرالمختار مع ردالمحتار، مطلب فی حط المهر والإبراء منه، ج:3، ص:119)