بِسْمِ اللَّهِ الرَّحْمَنِ الرَّحِيم
| لاگ ان | 31/08/2026 |
دارالافتاء
سوتیلی ماں کی بیٹی سے نکاح کرنا
سوال
عورت نے ایک شخص سے نکاح کیاپھر اس سے ایک بچی پیدا ہوئی جس کے بعد اس کا خاوندفوت ہوا ،خاوند کے فوت ہونے کے بعد اس عورت نے دیور(خاوند کاحقیقی بھائی) سے نکاح کیا،اور اس دیور کی دوسری بیوی بھی ہے جس سے اس کا ایک بیٹا ہے،اب یہ دیور کا بیٹا مذکورہ سوتیلی ماں کی اس لڑکی سے نکاح کرنا چاہتا ہے جو اس لڑکے کے حقیقی چچا سے تھی توکیا یہ نکاح جائز ہے یا نہیں؟
جواب
واضح رہے کہ نکاح میں اگر کوئی ذریعہ حرمت (قرابت ،مصاہرت ،رضاعت وغیرہ )موجود نہ ہو توشرعاً وہ نکاح جائزہوتا ہے۔
صورت مسؤلہ کے مطابق مذکورہ عورت کی بیٹی اور دیور کے لڑکے کے نکاح میں بظاہر حرمت کی کوئی صورت نہیں ہے،اس لیے یہ نکاح جائز ہے۔
وأما بنت زوجة أبيه أو ابنه فحلال۔(الدرالمحتار مع ردالمختار،كتاب النكاح، فصل في المحرمات، ج:4، ص:105)