کھانا کھانے کے شروع میں بسم اللہ پڑھنا اور آخر میں الحمد للہ پڑھنا مسنون ہے ، نیز کھانا کھانے کے درمیان بھی حمد وشکر ادا کرنے کی فضیلت احادیث میں وارد ہوئی ہے۔

          حضرت انس بن مالکؓ سے روایت ہے کہ رسول اللہﷺ نے فرمایا : " اللہ تعالی بندے کی اس بات سے خوش ہوتا ہے کہ وہ لقمہ کھائے اور اس پر اللہ کی حمد و ثناء بیان کرے یا پانی کا گھونٹ پیے  اور اس پر اللہ کی حمد و ثناء بیان کرے "  اس حدیث میں لفظ  'اکلۃ' ہمزہ کی فتحہ اور ضمہ دونوں طرح  مروی ہے ، ہمزہ کے فتحہ کے ساتھ اس کا معنی ہے  'ایک وقت کا کھانا' اس لحاظ سے کھانے کے آخر میں حمد و ثناء کی فضیلت کا ذکر ہے، جب کہ ہمزہ کے ضمہ کے ساتھ اس کا معنی  'لقمہ 'آتا ہے ، محدثین حضرات نے دونوں احتمالات ذکر کئے ہیں ، اس دوسرے احتمال کی  بناء پر ہر لقمہ کے بعد حمد وثنا ادا کرنا اس حدیث سے ثابت ہے۔

عن أنس بن مالك، أن النبي صلى الله عليه وسلم قال: إن الله ليرضى عن العبد أن يأكل الأكلة، أو يشرب الشربة، فيحمده عليها۔ ( سنن الترمذي ، ابواب الأطعمة عن رسول الله ، باب ما جآء في الحمد علی الطعام ، ج:2 ، ص: 3 )

قَوْلُهُ (إِنَّ اللَّهَ لَيَرْضَى عَنِ الْعَبْدِ أَنْ يَأْكُلَ) ۔ ۔ ۔   قال النووي الأكلة هنا بفتح الهمزة وهي المرة الواحدة من الأكل كالغداء أو العشاء ۔ ۔ ۔ وقال القارى  بفتح الهمزة أي المرة من الأكل حتى يشبع ويروى بضم الهمزة أي اللقمة وهي أبلغ في بيان اهتمام أداء الحمد لكن الأول أوفق مع قوله أو يشرب الشربة ( تحفة الأحوذي ، ابواب الأطعمة عن رسول الله ، باب ما جآء في الحمد علی الطعام ، ج: 5 ، ص: 437 )