اذان اللہ تعالی کا عظیم ذکر  اور شعائراسلام میں سے ہے، اس لیے اس کی تعظیم اور احترام کی خاطر شریعت نے اذان کے وقت خاموش رہنے کا حکم دے کر زبان سےاس کا جواب دینا بھی مستحب قرار دیا، جب کہ عملاً جواب کو واجب قرار دیا۔ لہٰذا جمعہ سمیت ہر وقت کی اذان کا زبان سے جواب دینا مستحب اور عملاً جواب دینا واجب ہے۔ تاہم جمعہ کے دن دوسری اذان چونکہ امام کے ممبر پر چڑھنے کے بعد دی جاتی ہے جس وقت ہر قسم کی نماز، کلام اور ذکر و اذکار وغیرہ ممنوع ہے، اس لیے اس وقت زبان سے جواب دینے کی بجائے محض دل میں اذان کے کلمات دہرائے جائیں۔

            صورت مسئولہ کے مطابق جمعہ کے دن زبان سے پہلی اذان  کا جواب دینا مستحب اور عملاً جواب دینا واجب ہے،جب کہ دوسری اذان کا زبان سے تلفظ کیے بغیر دل میں جواب دینے کی شرعاًاجازت ہے۔

فصل وأما بيان ما يجب على السامعين عند الأذان  فالواجب عليهم الإجابة لما روي عن النبي صلى الله عليه وسلم أنه قال أربع من الجفاء من بال قائما ومن مسح جبهته قبل الفراغ من الصلاة ومن سمع الأذان ولم يجب ومن سمع ذكري ولم يصل علي.   (بدائع الصنائع، كتاب الصلوة، فصل وأما بيان ما يجب على السامعين عند الأذان، ج:1، ص:661)

قال: وينبغي أن لا يجيب بلسانه اتفاقا في الأذان بين يدي الخطيب، وأن يجيب بقدمه اتفاقا في الأذان الأول يوم الجمعة لوجوب السعي بالنص. (الدر المختار على صدر ردالمحتار، كتاب الصلوة، باب الأذان، ج:2، ص:70)