واضح رہے کہ وقف تام ہونے کے بعد موقوفہ چیز کی خرید وفروخت جائز نہیں  اور وقف تام ہونے کے لیے شرط یہ ہے کہ موقوفہ چیز جس مقصد کے لیے وقف کی گئی ہو اس میں کم ازکم ایک مرتبہ استعمال ہوجائے ۔اسی طرح جب واقف موقوفہ چیز کو متولی کے حوالہ کرے تو متولی کے لیے اس کے استعمال میں واقف کی جہتِ وقف اور شرائط کی رعایت ضروری ہے ۔

          صورتِ مسئولہ کے مطابق جب کسی شخص نے مسجد کی زمین میں بور کیا اور پھر اس سے استفادہ بھی کیا گیا،تو اس صورت میں وقف تام ہوکر اب اس کو فروخت کرنا شرعاً جائز نہیں ،نیز اس کو فروخت کرنے  میں چونکہ جہتِ وقف کی مخالفت بھی ہے اس لیے اس کو فروخت کرنا شرعاً جائز نہیں ۔

(فإذا تم ولزم لا يملك ولا يملك ولا يعار ولا يرهن) (قوله: لا يملك) أي لا يكون مملوكا لصاحبه ولا يملك أي لا يقبل التمليك لغيره بالبيع ونحوه لاستحالة تمليك الخارج عن ملكه۔(الدرالمختار مع ردالمحتار، كتاب الوقف ، ج: 6 ص: 531 ، دارالكتب العلمية)

فإنّ شرائط الواقف معتبرة مالم تخالف الشرع، وهو مالك فله أن يجعل ماله حيث شاء مالم يكن معصية۔(ردالمحتار ، كتاب الوقف مطلب: شرائط الواقف ، ج: 6 ص: 527)