کسی چیز کو ادھار زیادہ قیمت پر خرید کر ثمن کی ادائیگی سے پہلے دوبارہ نقد کم قیمت پر فروخت کرنا شرعا ناجائز ہے۔

          صورت مسٔولہ کے مطابق اگر کوئی شخص نو لاکھ (900000) میں ادھار  گاڑی فروخت کرے اور مشتری رقم کی ادائیگی سے پہلے دوبارہ اس کے ہاتھ وہ گاڑی نقد ساڑهےپانچ لاکھ(550000) میں فروخت کرنا چاہےتو بائع کے لیے شرعا یہ جائز نہیں ہے کہ وہ اس گاڑی کو ثمن اول سے کم قیمت پر خرید لے۔

"(قوله وفسد شراء ما باع إلخ) أي لو باع شيئا وقبضه المشتري ولم يقبض البائع الثمن فاشتراه بأقل من الثمن الأول لا يجوز"(رد المحتار على الدر المختار، كتاب البيوع، باب البيع الفاسد، ج:7، ص:267)

"ولم يجز شراؤه وشراء من لا تصح شهادته له ما باع بنفسه أو بيع له بأن باع وكيله بأقل مما باع قبل نقد الثمن لنفسه أو لغيره من مشتريه أو من وارثه"(الفتاوی الهندية، كتاب البيوع، الفصل العاشر،في مايجوز بيعه ومالا يجوز، ج:3، ص:133)