ایک شخص کی بیوی اکثر موبائل فون پر رابطہ کر کے اپنے خاوند کو کہتی تھی کہ فون پر مجھ سے باتیں کیا کرو جبکہ خاوند باہر ملک میں تنخواہ پر گاڑی کا ڈرائیور تھا تو ان کی اپنی بھی مصروفیات زیادہ ہوتی تھیں تو زیادہ باتیں کرنے کا موقع نہیں ملتا تھا اس لیے وہ رابطہ کم رکھتے تھے لیکن اس کی بیوی چونکہ اپنے والد کے گھر کی طرف سے بہت ناز سے پلی تھی اس لیے معمولی باتوں پر بھی دل تنگ ہو کر خاوند کو باربار کال ملاتی تھی اور واٹس ایپ ،میسج پر اکثر اس طرح قسم دلاتی تھی کہ تیرے باپ یا ماں یا فلاں بھتیجے کی قسم مجھ سے باتیں کیا کرو ۔ایک دفعہ جب زیادہ میسج آئے اور قسمیں دیں تو خاوند نے فون ملاکرکہا کہ "اگر تم نے مجھے پھر قسم دلائی تو تم مجھ پر طلاق ہو طلاق ہو طلاق ہو "پھر فورا توبہ واستغفار کیا اسی دوران فون پر بہت افسوس کیا کہ یہ مجھ سے کیا الفاظ نکلے ۔بیوی بھی بہت گھبراگئی تو دو سال تک بیوی نے کوئی قسم نہیں دلائی لیکن اب چند ہفتے پہلے بیوی نے بھول کر خاوند کو اس کی ماں کی قسم دلائی کہ مجھے فون ملاؤ ۔محترم مفتی صاحب اب پوچنا یہ ہے کہ طلاق واقع ہوئی ہے کہ نہیں ؟کیونکہ خاوند نے کہا تھا کہ اگر تم نے مجھے قسم دلائی تو اس سے مراد تو وہ قسم ہوگی جو شرعا معتبر ہو جبکہ غیراللہ کی قسم غیر شرعی ہے اور بیوی نے غیر شرعی قسم دلائی ہے،اب اس طرح قسم دلانے سے طلاق واقع ہوگی یا نہیں ؟