واضح رہے کہ زندگی میں ہر شخص کو اپنی ذاتی مال و جائیداد میں ہر قسم کے جائز تصرفات کا اختیار حاصل ہے کسی بھی وارث یا اولاد کو یہ حق نہیں کہ وہ حالت حیات میں مال و جائیداد کا مطالبہ کریں ہا ں اگر کوئی شخص حالت حیات میں اپنی خوشی اور رضامندی سے مملوکہ مال اولاد میں تقسیم کرنا چاہے تو انصاف سے کام لیکر سب کو برابر حصہ دینا چاہیے کسی کو بلا عذر شرعی کم دینے یا محروم کرنے سے گناہ گار ہوگا اور یہ گناہ واہب تک محدود رہے گا موہوب لہ تک اس کا اثر نہیں پہنچتا اسی طرح موہوب لہ جب ہبہ کو قبول کرے اور اس پر قبضہ کرے تو ہبہ تام ہو کر موہوبہ چیز واہب کی ملکیت سے نکل کر موہوب لہ کی ملکیت میں داخل ہو جائے گی اور موہوب لہ کے لیے اس میں ہر قسم کے جائز تصرفات کا اختیار ہوگا ۔ صورت مسئولہ میں بشرط صدق و ثبوت اگر سائل کے والد اور دادا نے اپنی اولاد میں سے صرف نرینہ اولاد کو اپنی زندگی میں ہبہ کیا ہو اور انھوں نے قبضہ بھی کیا ہو تو یہ ان بیٹوں کی ملکیت ہوگی دیگر ورثا کا کوئی حق نہیں بنتا تاہم اس غیر منصفانہ تقسیم پر وہ گناہ گار ہوں گے ابھی اگر مذکر اولاد اپنی مرضی و اختیار سے ان مؤنث ورثا کو کچھ دیں تو بہتر ہوگا تاکہ ان کے حق میں مرحومین سے جو حق تلفی ہوئی ہے وہ اس کو دل سے معاف کردیں ۔

ولو وهب رجل شيئا لأولاده في الصحة وأراد تفضيل البعض على البعض في ذلك لا رواية لهذا في الأصل عن أصحابنا ۔۔۔ عن أبي يوسف رحمه الله تعالى أنه لا بأس به إذا لم يقصد به الإضرار وإن قصد به الإضرار سوى بينهم يعطي الابنة مثل ما يعطي للابن وعليه الفتوى(الفتاوى الهندية ،الباب السادس في الهبة للصغير ج4ص391)

ولو وهب جميع ماله لابنه جاز في القضاء وهو آثم (خلاصة الفتاوى ج 4 ص 400)

ولا يتم حكم الهبة إلا مقبوضة ويستوي فيه الأجنبي والولد إذا كان بالغا(الفتاوى الهندية كتاب الهبة الباب الثاني ج 4 ص377)