قرآن کریم میں صریح الفاظ میں اسراف اور تبذیر سے منع کیا گیا ہے۔تبذیر یہ ہے کہ مال کو گناہ کے کام میں خرچ کیا جائے۔جبکہ اسراف جائز مواقع میں ضرورت سے زیادہ خرچ کرنے کو کہتے ہیں۔اس لحاظ سےتبذیر اسراف کے مقابلے میں بڑا جرم ہے۔چنانچہ قرآن کریم میں مبذرین کو شیطان کا بھائی قرار دیا گیا ہے۔

صورت مسئولہ میں جب ایک طالب علم نے پنکھا چلایا ہوتو چونکہ ایک پنکھے کے نیچے سہولت سے کئی طلباء بیٹھ کر مطالعہ کرسکتے ہیں۔لہذا دوسرے طالب علم کے لیےدوسرا پنکھا چلانے کی گنجائش نہیں اور یہ اسراف کے حکم میں داخل ہو کر ناجائز ہے ۔نیز یہ وقف مال میں بے جا تصرف کرنے کے حوالے سے بھی جرم ہے۔تاہم اگر دونوں طلبہ میں سے ایک تکرار کررہا ہویا تیز آواز سے سبق یاد کررہا ہواور دوسرا مطالعہ،جس کی وجہ سے مطالعہ کرنےوالے کا  مطالعہ تکرار کی وجہ سے متاثر ہورہا ہو اور اس عذر کےبنا پر دونوں الگ الگ بیٹھ کر پنکھے چلائیں تو شرعا اس کی گنجائش ہوگی۔

والتحقیق ان بینھما فرقا،وھو ان الاسراف صرف الشیئ فیما ینبغي زائدا علی ما ینبغي ،والتبذیر صرفہ فیما لا ینبغي۔(ردالمحتارعلی الدرالمحتار،کتاب الفرائض، ج10ص494)