شریعت کی روشنی میں میراث کے احکام میت کے ترکہ میں  جاری ہوتے ہیں یعنی جو مال بوقت  وفات  میت کی ملکیت میں داخل ہو وہ ورثا میں بقدر حصص تقسیم کیا جائے گا  اور جو مال بوقت وفات اس کی ملکیت  میں نہ ہو بلکہ اس کی وفات کے بعد کسی پیکج وغیرہ کی صورت میں  اس کے پسماندہ گان کو دیا گیا ہو وہ ترکہ شمار نہ ہوگا۔

            صورت مسؤلہ میں حکومت کی طرف  سے شہید پیکج میں جو مالی امداد ملتی ہے  اس میں میراث جاری نہیں ہوگا  بلکہ حکومت کے قانون کے مطابق یہ رقم پسماندہ گان  میں سے  جس جس کو ملے وہی اس کا مالک ہوگا میت کے باقی ورثاء اس میں حقدار نہ  ہوں گے ۔قانون کے بارے میں جاننے کیلئے متعلقہ ادارے کے باخبر ذمہ دار  افسران  سے رابطہ کیا جائے   کہ حکومت کن ورثاکو  کن شرائط کے ساتھ  یہ رقم دیتی ہے پھر جو وارث شرائط پر پورا اترے وہی اس مالی امداد کا حقدار ہو گا ۔

العطایا لا یورث عنہ۔(شرح الاشباہ والنظائر ج495/2)

 قال رحمه الله ( يبدأ من تركة الميت بتجهيزه ) المراد من التركة ما تركه الميت خاليا عن تعلق حق الغير بعينه۔(البحر الرائق،كتاب الفرائض ج9/ص365)

ولا يصح الصلح والاعتياض لأن الاعتياض عن حق الغير لا يصح ولا يجري فيه الإرث لأن الإرث إنما يجري في المتروك من ملك أو حق للمورث على ما قال عليه الصلاة والسلام من ترك مالا أو حقا فهو لورثته ولم يوجد شيء من ذلك فلا يورث ولا يجري فيه التداخل۔(بدائع الصنائع ،كتاب الحدود ،قبيل مقدار الواجب منها ج9/ص250)