اگر کوئی شخص طلاق کو کسی شرط کے ساتھ معلق کرے تو جب بھی شرط پائی جائے گی طلاق واقع ہوگی ۔

(1)صورت مسئولہ میں اگر خاوند نے بیوی سے کہا کہ "اگر تم نے مجھے کال کی تو تجھے طلاق "  تو اس کے بعد اگر بیوی خاوند  کو کال کرے گی تو طلاق واقع ہوگی ۔تاہم صرف میسج سے طلاق واقع نہ ہوگی ۔

(2)صورت مسئولہ میں اگر خاوند خود کال کرے  تو طلاق واقع نہ ہوگی ۔

(3)اگر بیوی کال کرے لیکن مرد ریسیو نہ   کرے بلکہ مس کال بن جائے تو طلاق واقع ہوگی ۔کیونکہ بیوی نے بہرحال کال کر لی ہے ۔

(4)اگر خاوند نے طلاق کو مس کال کے ساتھ معلق کیا اور بیوی نے بات کرنے کی نیت سے کال کی ،لیکن ریسیو نہ کرنے کی وجہ سے مس کال بن گئی تو طلاق واقع ہوگی ۔

(5)صورت مسئولہ میں اگر خاوند بیوی کی کال کو ریسیو کرے اور بات کرے تو طلاق واقع نہ ہوگی ۔

اذا اضافہ الی   الشرط وقع عقیب الشرط اتفاقاً۔(الفتاوی الہندیۃ ،کتاب الطلاق ، الباب الرابع فی الطلاق بالشرط ج1ص 420)