مدارس میں عوام جو چندہ دیتے ہیں اگر اس کے لیے خاص مصرف کی تعیین کریں تو اسی مصرف میں خر چ کرنا ضروری ہے لیکن اگر چندہ دہندگان کسی خاص مصرف کی تعیین کیے بغیر چندہ دے دیں ۔ تو اس کوعرف کے مطابق مدرسہ کے مصارف و مصالح میں خرچ کیا جاسکتاہے ۔

صورت مسئولہ میں مکتب یا مدرسے کے مہتمم صاحب زیر تعلیم تمام طلبا کو (خواہ رہائشی ہوں ،یا مقامی ،کتب پڑھنے والے ہو ں یا حفظ و ناظرہ پڑھنے والے ہوں ، مال دار ہوں یا غریب ) صدقات نافلہ اور چندے کی وہ رقم جس کے لیے کوئی مصرف متعین نہ ہو اس سے عرف کے مطابق وظیفہ دے سکتا  ہے جب کہ صدقات واجبہ اور زکوٰۃ کی رقم سے غریب و فقیر طلبا کو و ظیفہ دینا جائز ہے لیکن مال دار یعنی صاحب نصاب اور سید طلبا کو صدقات واجبہ اور زکوٰۃ کی رقم دینا جائز نہیں ۔

 التصدق على الفقير العالم افضل من التصدق على الجاهل۔ (الفتاوى الهندية كتاب الزكوة ، باب في المصارف ج1ص187)

فلا يجوز صرفها للغني لعموم قوله النبي ﷺ"لا تحل صدقة لغني" خرج النفل منها لان الصدقة على الغني هبة (البحر الرائق ، كتاب الزكوة ،باب المصرف ج2ص427)

ولا تدفع الى بني هاشم لقوله عليه الصلوة والسلام :يا بني هاشم ان الله تعالى حرم عليكم غسالة الناس ، و اوساخهم (الھدایۃ کتاب الزکوۃ :باب من یجوز دفع الزکوۃ الیہ و من لا یجوز ج1ص223)