میرے والد صاحب کا جون 2020 میں انتقال ہوا ہے ، ان کے ورثاء میں پہلی بیوی سے 3 بیٹیاں اور ایک بیٹا ہےاور پہلی بیوی کا انتقال 35 سال قبل ہو چکا ہے ، پھر والد صاحب نے ایک بیوہ سے شادی کی جس کا پہلے شوہر سے ایک بیٹا بھی تھا جوکہ شادی کے بعد ہمارے گھر اپنی والدہ کے ساتھ آیا ، پھر والد صاحب کی ایک بیٹی دوسری بیوی سے ہوئی لہذا والد صاحب کے ورثاء میں اب 4 بیٹیاں ، ایک بیٹا اور ایک بیوی شامل ہیں ۔ والد صاحب نے اپنی زندگی میں مجھ سے اور باقی ورثاء سے بھی اس خواہش کا اظہار کیا تھا کہ میں اپنی جائیداد میں اپنی دوسری بیوی کے پہلے شوہر والے بیٹے کو بھی حصہ دینا چاہتا ہوں جس پر ورثاء کا کہنا تھا کہ آپ کی اپنی جائیداد ہے آپ جو چاہیں کریں لیکن والد صاحب نے نہ تو زندگی میں اس لڑکے کو کوئی جائیداد دی اور نہ ہی کوئی تحریری وصیت نامہ لکھا البتہ اس لڑکے کے ماموں کا کہنا ہے کہ آپ کے والد نے تحریری وصیت نامہ لکھا تھا لیکن میں نے ان کو کہا کہ آپ نے بہت زیادہ لکھا ہے آپ صرف 3/1 کی وصیت کر سکتے ہیں تب انہوں نے دوبارہ وصیت نامہ لکھا لیکن کسی کو نہیں دیا اپنی جیب میں رکھا ، اب نہ ہی کوئی وصیت نامہ تحریری موجود ہے اور نہ قولی البتہ والد صاحب نے جو خواہش کا اظہار کیا تھا وہ سب کو معلوم ہے اور سب اقرار بھی کرتے ہیں۔ اب دریافت طلب امر یہ ہے کہ مورث کی زبانی خواہش کے شرعی حیثیت کیا ہے ، کیا خواہش وصیت کا درجہ رکھتی ہے؟