جو شخص جس علاقے اور جس ملک میں رہتا ہے۔تو روزہ اور عید وقربانی میں اسی جگہ کی رویت اور فیصلے کا پابند ہوگا۔کسی اور علاقے یا ملک کی رویت اور حساب پر اس کے لیے روزہ رکھنا اور عید وقربانی کرنا جائز نہیں۔

       صورت مسئولہ میں جو لوگ پاکستان میں مقیم ہیں۔وہ اپنی مقامی رویت کے اعتبار سے عید وقربانی کا اہتمام کرینگے۔کسی کا انفرادی طور پر سعودی عرب کی رویت اور حساب پر عید وقربانی کرنا جائز نہیں ،ایسی قربانی سے ذمہ فارغ نہ ہوگا۔

عن أبي هريرة : أن النبي صلى الله عليه و سلم قال الصوم يوم تصومون والفطر يوم تفطرون والأضحى يوم تضحون۔(سنن الترمذی ج1 ص88)

لو صام رائی ھلال رمضان واکمل العدۃ لم یفطر الا مع الامام لقولہ علیہ السلام صومکم یوم تصومون وفطرکم یوم تفطرون۔(ردالمحتار،کتاب الصوم،ج3 ص351)

واما الذی یرجع الی وقت التضحیۃ،فھو انھا لا تجوز قبل دخول الوقت،لان الوقت کما ھو شرط الوجوب،فھو شرط جواز اقامۃ الواجب۔(بدائع الصنائع،کتاب التضحیۃ،فصل فی شروط جواز اقامۃ الواجب ج6 ص308)